Oonze dorpsbrugge
LEMELERVELD – De Elnbroekbrugge kwam ok nie zonder kleerscheurn deur de tied, geboortig in de Dorpstraote, zaten wie d´r ja met de neuze baom op. Nog heure wie den enorme zwaore dreun as´t brugdek dale wòn e laoten, as e half baom t´water hing moggen wie as kinder d´r teegn op lopen, de slagboom nao baom drukken. Maar eerst kreeg´n de joekels van sloten een forse dreun van Elnbroeks klompe um brugdek op zien plek te haoln.
Noe wie er toch aover hebt; loop is éém met oons met um det nostalgie gevuul oe dudelijk te maken. De brugge bleef op zundag dichte, bie hoge uutzondering daorgelaoten.
Sunde´s middags zaten een stuk vief olde buurn vaak an de aoverkant veur de etalage van de bekende – Spar- winkel van H.Deurink met de naam“de Kleine Winst” um hun eenvoudig commentaar te geem op de gang van zaak´n in ons dorp. Lang bliem zitte´n veur de roeten ko´ n toen nog want tied kossen geen geld, winkel bleef toch dichte, toen nog wel. Wie bint d’r op veuruut e´gaon ; een lang weekend ja zo vrie as een veugeltie, tuurlijk veur oons zelf, Het was al zwaor genog disse wekke n ´aander mach ok wel is veur ons klaorstaon….. Onze dorpsbrugge; want daor gaot disse verhaoln aover; had ja veur onze tied ook al een bedenkele reputatie.
Uut de media – van die tied – hebbe wie heel wat baom water kun haaln Veur de volgende verhalen, heel völle leesplezier
i.o Historische Werkgroep Lemelerveld
19-08- 2023
H.Huisman.
Auteur: | H. Huisman |