MIRREWEENTER

MIRREWEENTER.

Sunneklaos dee is a lang wier vot

Wie et de appeltjes van oranje.

Hier huult de weend duur veald en bos,

Hee zit in 't waarme Spanje.

En langzaam kröp de tied vedan

Met snee en köalte en reag'n.

Wi'j gaat now op Mirreweenter an,

Dat breg weer ni'je zeag'n.

Mirreweenter is de mooiste tied

Van heel het lange joar.

Dan trekt de meanske wied en zied,

Naar hoes, met bus en spoor.

Zee weelt now wean in eigen kring

In 't daorp en in de stea'.

Want hier veult ze in dizze daag'

De echte mirreweenter vrea.

Mer toch zint er - ok in oons laand

Nog keender en ok oal'n,

Dee mirreweenter - 't is ne schaond'

De haand nog op mot hoal'n.

Want aarmood is ter oaweral

In oonze rieke weald.

Der beent nog meanske zoonder tal

Dee bölkt van 't völle geald.

Och, ieder dee wat miss'n kan,

Mot met dee aarm'n veul'n.

I'j zit met ne gevulde pann';

Toe! gewis vat nen geul'n!

Dan wodt de mirreweenter-tied

Roondum een ieders heerd

'n Feest van oonz'n good'n wil,

'n Leed van vrea op eerd'.

Bron: Twentse Taalbank H. Eitink bundel Waorum zo gow vergett'n?

Demonstratie Expositie: Woensdag 3 januari 2024 om 14.00 uur.

Jan Jansen met uitleg mini stoommachines.

Stichting Historische Kring Wederden wenst u allen fijne feestdagen en een goede jaarwisseling.