Mirwinter.
Mirwinter.
A 'k mangs wandel deur 't holt
Wann in 't jak, want 't is slim kold
A's d'r nans bleumkes meer bint
A's mien nös rood kleun deur de wind
A's de vöggel op bint hol'n met 't gesnater
A's d'r snee vält en ies lig op 't water
A's 'n nacht lang is en 'n dag is kort
Dan wee'k dat 't gauw mirwinter wordt.
't Feest waar völ leur denkt an lekker ett'n
Méér dee't er niks hebt wordt vaak vergett'n
't Feest waar ie mooie leerekes heurt zing'n
Meer ook troan'n zeet van vluchteling'n
Dan zee'j mangs 'n kind op starv'n noa dood
Want de moor hef veur 't kind gin brood
Dan spölt mie wa iets deur de gedacht'n
Hoo lang mo'w nog op vrêêr wacht'n
Loa'w dan no denk'n an dee leu doar ginter
En hopp'n dat ze ook kriegt nen zoalig'n mirwinter
En a'w dan disse daag lekker zit te ett'n
Loa 'w dan dee leu toch nich vergett 'n
Trek dan leu lös amoal oe 'w knip
Dan lacht oe toa 't Kinneke in de krib
H.Teussink
Bron Historische vereniging De Dree Marken Beuningen De Lutte en Berghuizen.
De Stichting Historische Kring Wederden wenst u een goede jaarwisseling en een voorspoedig 2021.
Foto-onderschrift: Schaapskooi op ‘t Hoge Hexel in de winter.