Oolejaorsdag

Oolejaorsdag

Daor geet nen ool'n griez'n man,

Nen gaostok in de haand;

De beene stram, de rugge krom.

Hee löp deur ieder laand.

En staödeg geete meer verdan,

Raakt nooit zien tempo kwiet.

Hee steet nich stil, hee röst nooit oet ..... .

Den ool'n, da's de Tied.

Straks as de klokke twaalm slöt

Is weer 'n jaor vuurbi'j,

En V ader Tied löp eeuweg duur,

Vuur ow en ook vuur mi'j.

En alle jaor döt iedereen

Van niejs de beste wèèns'n;

Dan nem wi'j oons het goeje vuur

Meer ach: wi'j bint meer mèèns'n ..... .

De Stichting Historische Kring Wederden wenst u een goede Jaarwisseling en een gezond 2022

Bron: Twentse Taalbank,  oet Pottuffeln van Graads ( Lex Meuris )